Shirkii Eldoret
oo u afduuban qabqablayaasha dagaalka
ELDORET, 10 Nov 2002 (MOL) -Wararka ka imaanaya Madasha
shirka ee magaalada Eldoret ayaa sheegaya in shirkii dib
u heshiisiinta Somaliyeed uu wali ku jiro is jiid iyo is-afgaran
waa ka dib markii dhawr qabqable dagaal ay ku fureen shirka
buuq, Qabqablayaasha dagaal oo aan awood military ku lahayn
Somaliya ayaa inta badan waxay argagax ku hayaan dadweynaha
ku dhow goobaha ay ku nool yihiin siiba magaalada Muqdishu
iyo magaalada Kismayo, iyagoo inta badan dadka kula kaca
falal qafaalasho, kufsi iyo jidgooyin ay ku
raadinayaan lacag baad ah. dagaal oogayaashaas wada
buuqa ayaa inta badan ku jira ururka SRRC/NAKURA iyo waliba
Kooxda isbahasiga walaalaha galgaduud oo ay iyagana ay ka
dambeeyeen kooxda Carta.
Hogaamiyayaashaas dagaal oo inta badan aan waxba ku heshiin
dhexdooda ayaa haddana sameeya isbahaysi aan dhaafin asbuuc
taas oo ay uga gudbaan hadba caqabadii soo foodsaarta. Dad
badan oo shirka jooga ayaa waxay rumaysan yahiin sababta
dagaal oogayaashu u diidan yahiin horey u socodka shirka
ay tahay cabsi ay ka qabaan inay lumiyaan lacagihii iyo
dhulkii ay boobka ku heleen haddii la helo dawlad salbalaaran
oo Somali ku heshiiso ee aan diidmadoodu aysan ahayn sida
ay markasta ku andacoodaan tirada ergada oo lagu yareeyay.
Wararka ayaa intaas ku daraya in tirada ergada gudiga qabanqaabintu
ugu roonaadeen dagaal oogayaasha hadda diidan horay u socodka
shirka taasna ahayd qaladaadkii gudiga qabqaaabadu sameeyeen
bilowgii shirka taasna ay ka faa'iidaysteen dagaal oogayaashu
oo u arkay markastoo ay shirka buuq ka dhaliyaan in tirada
ergada loo kordhiyo. haddaba haddii loo yeelo sida ay rabaan
oo ay markasta ku andacoonayaan in ergada qabiil lagu qabiyo
in ay helayaan tiro ka yar tan hadda ay heleen marba haddii
intoda badani ka soo jeedaan hal Jifo, taas oo dad badan
oo shirka joogaa ku micneeyeen "lugta jecli laga jeceli-
dagaal ooge wax u roon lama garanayo.
Mudugonline.com
Puntland oo Kooxaha Qaar ku
Eedaysay inay Hurinayaan Colaad hor leh
Eldoret: Maamul goboleedka Puntland
ayaa sheegay in ururka SRRC/Nakuuru, Maamulka C/qaasin
Salaad Xasan iyo kuwa BBC Somaligu u bixisay Dooxada Jubba
ay abaabulayaan colaad hor leh oo ka qaraxda dalka Soomaaliya,
waxaana war saxaafadeedkaan loo kala diray Qaramada midoobay
, Midoga yurub iyo urur goboleedka IGAD oo dhamaantood
lagu war galiyay in kooxahaasi ay jabinayaan heshiiskii
dhawaan lagu kala saxiixday magalada Eldoret ee uu shirku
dib u heshiisiinta Soomaalidu ka socdo.
Hogaamiye kooxeedyada Cusmaan Xasan Cali Caato
, C/risaaq Isaaq Biixi iyo Maxamed Qanyare Afrax oo qaarkood
ay madax u yihiin ururada cambaaraynta loosoo jeediyay ayaa
sheegay inay shirka dib u u heshiisiinta Soomaaliyeed qaadici
doonaan hadaan qaab qabiil wax lagu qaybin, tani oo ay filayaan
inay ku heliyaan saami aan ku miisaanayn tirada run ah ee
Somalida.
Dad Badan oo la socda xaaladda runta ah ee
Somnaliya ayaa u arka isbahaysiga diidmada ah ee kooxdaan
inuu salka ku hayo baqdinta ay ka qabaan dawlad cadaalada
oo ka dhalata Somaliya oo ay ku waayayaan dhul iyo hanti
ay xoog ku haystaan.
AllPuntland News
