Qoraalada Maanta
ee akhristayaasha ee looga jawaabayay hadalkii
ka soo yeeraya Muuse Suudi Yalaxow waxaa ka
mida.
>Xaajiyoow
Caqligu Ha Ina Hogaamiyo
>Muuse
Suudi majaajiliiste ma aha
>SOOMAALIDA
WAA IN AY U KALA BAXDAA A.B.C.
>Tariikh
yareeyee Muuse Suudi
|
Xaajiyoow
Caqligu Ha Ina Hogaamiyo
Waxaan
hubaa in qaar badan oo bahda Hawiye kasoo jeedaa
ay aad uga xumaadeen erayada afla-gaado, aqoon-yari,
xaasidnimo, xilkasnimo la'aan iyo aragti gaabnaanta
ahaa ee afka Xaajiga kasoo baxay. Run ahaantii ma
aha mid qowmiyada Hawiye dhammaantood ay la qabaan
fagradaan bugta ee foosha xun ee Somali faceed ka
reebtay. Waxaa mahad leh Maxamed Dheere hogaamiyaha
siyaasadeed ee deegaanka Shabeelada dhexe iyo Xuseen
M.F. Caydiid oo iska dheereeyey fagradaan raqiiska
ah ee aan Hawiye iyo Somaalida inteeda kale wax
dan ah ugu jirin inay kala dheerayso oo boogo la
daaweynaayey oo qaarkood bugsoodeen danqiso mooyee,
Xaajiguna ka fiirsi la'aan iyo aragti gaabnaan ugu
hadaaqay.
Hawiye, Somaliya hogaankeeda waa soo qabteen, mustaqbalkana
qof kasoo jeedaa waa hogaamin-doonaa, haddii Alle
idmo, sidaas oo kale dadka aan Hawiye kasoo jeedin
xaq bay u leeyihiin inay ummaddooda madax u noqdaan
oo kartidooda iyo waxay qaban karaan lagu doorto.
Dhawaaqa
kasoo yeeray Xaajiga waa wax oo uu aaminsan yahay,
waxaana la qaba hogaamiyaal kooxeed oo hoosta kala
guuxaaya aragtidaan, ayagoo dano khaas ah ka leh
oo raba inay Awrtooda ku kacsadaan, ayagoon Hawiye
iyo cid kale u danaynayn, rabana inaan dowlad dhalan
oo aysan soo bixin danbiyaday dadkooda ka galeen,
xoolaha xaaraanta ah ee ay xalaalaysteena aan lagula
xisaab-tamin.
Xaajigu wuxuu danbi ka galay dadweynaha Soamaaliyeed
dhammaantood oo ay ku jiraan beelaha Hawiye intooda
og xaqiiqda iyo xaaladda Somaliya maanta ku sugan
tahay. Wuxuu u gafay Daarood oo daga Mudug, Nugaal,
Bari, Sanaag, Sool, qayba ka-mida gobolka Galgaduud,
Jubbada Hoose iyo Jubbada Dhexe, Gado, Ogaadeenya
iyo N.F.D.[ Dhulka hoosyimaada dalka Keenya qayba
ka mida]. Tirada, taariikhda iyo xadaaradda ay leeyihiinna
la wada yaqaan. wuxuu Yalaxow ku tilmaamay dad aan
waxba ahayn, taasna waxaad ka garan kartaa aqoonta
uu Somaali u leeyahay iyo aragtidiisa siyaasadeed
ee guracan.
Gobolada dalku u qaybsanaa barigii dowladi jirtay
waxay ahaayeen 18 gobol, sagaal ka mid ahna waxaa
daga dad ku abtirsada magaca Daarood, waliba waxaa
usii dheer dhulalka inaga maqan oo inta badan deegaan
Daarood ah.
Dadkaan
faraha badan ee Daarood ee dhulkaan baaxadaan leh
ku baahsan, anigu ma qabo in madaxweyne lagu siiyo
tiradooda iyo dhulka ay dagaan, ee waxaan aamin-sanahay
in madaxweynaha lagu doorto kartidiisa iyo waxa
uu ummaadaan Somaaliyeed ee dhibaataysan u qaban
karo. Waa inuu ahaa-daa mid dadkiisa aqoon fiican
u leh, isuna soo dhaweyn kara. Waa inuu la xaajoon
karaa qabiil walba, nabadna ka dhex dhalin karaa.
Waa inuu fulin karaa balankuu dadkiisa ka qaado
haddii ay ahaato siduu ula dagaalami lahaa Tuugada,
nabaddoodana u sugi lahaa. Waa inuu adduun-weynaha
inagu soo xiri karaa, xiriir wanaagsan iyo taakulayna
nooga soo heli karaa. Haddaba, Yalaxow, qofkaasu
hadduu Daarood ku abtisado xaad ku diidaysaa? haddii
uu beelaha Hawiye ka yimaadana si niyadsami iyo
walaalnimo leh baa Daarood usoo dhaweynayaa.
Dadweynaha
kasoo jeeda Digil iyo Mirifle, dhul, tiro, sharaf
iyo magacba waa leeyihiin, xaq bayna u leeyihiin
inay maanta Somaaliya hogaamiyaan, haddii qof kasoo
jeeda oo masuuliyaadaa qaadi karaa iska soo sharaxo,
ciddii u diidaa waa khaldan tahay.
Xaaji Muuse Suudiyow, xaggaad ku illowday qomiyadii
Banaadiga ahayd iyo bahweyntii reer Jareer ee ka
caaganaaday inay Baroon fulaan oo ay fidnida dagaal
ogayaasha la qayb-sadaan, miyaadan madaxnimo iyo
xaquuq midna u ogalayn?
Waxaa maanta waajib ku ah Hawiyaha caafimaadka qaba
inay fagradooda ka dhiibtaan sida ay u arkaan caqliga
Xaajigu fagaaraha la yimid, hadday ka aamusaana
ummadda Somaliyeed inteeda kale waxay u qaadanayaan
inay la caqli yihiin hogaamiyaas, isku meelna wax
ka wada arkaan.
Somaaliyey, waa in cadaawaddu dhamaataa, oo caqligu
inoo taliyaa.
Raage Jaamac
jamarage@aol.com
U.S.A.
Muuse
Suudi majaajiliiste ma ahan, Cabdile Raage ma ahan
oo wuxuu sheegayo Qosol kama wado ee waa Qadiyad
ay Hawiye qabaan.
Waxaan
qabaa in Dad badan oo Daarood ah oo waxa Somaliya
ka socda fahmin, Tiyaatarka Xamarna Majaajilooyinka
Cabdile Raage ku Dhagaysan jire in ay Qosal la dhacayaan
markii ay dhagaysteen Waraysidii uu Muuse Suudi
BBCda Laanta Afsomaliga siiyey.
Muuse
Suudi hadaba majaajiliste ma ahan, Hadalkisuna dhayalsi
ma leh, Aduunka maanta waxa dhacay Markii la fiiriyo
wax la dhayalsankaraa ma jirin, haddana Muuse Suudi
waliba waa Hogaamiye yaqaan waxay Dadkiisu rabaan
kana turjumaya Shucuurtooda, Dhago badan oo Hadalkiis
u dhuun daloolana jiraan.
Muuse
suudi waraysigaa Wuxuu ka turjumaya.fikrada ay Hawiye
doonayaan in ay Dadka wax kula qaybsadaan.iyo sida
ay rabaan in ay Somali u ekaysiiyaan
Waxaase
nasiib daro ah in ay jiraan Dad badan oo Daarood
ah oo caadaystay erayga ah ,, oo ma dhicikaraa waxaasi
, oo waxaa Dadkaase ma ku kici karaan, ama heedhe
waa reer Badiye ama waa jahil iyadoo sidaas
ku dhayalsanaya waxa dhacay iskana Indho tiraya
Dhibka wali lala maagan yahay.
Xaqiiq
ahaan Muuse Suudi uma baahnay in uu Hadalkaa yiraahdo
maxaa yeelay sheekada ah ,,Daarood mar buu qabasho
lahaaiyo Guurawyada ka danbeeyey sida ,,Dooni
raacdaya dabaalataa ar Darood Dalka iiga guur
iyo waliba Xasuuqii, Kufsigii iyo Dhacii Dadka Daaroodka
Xamar loogu gaystay way ku filaayeen Qofkii Caqli
leh inuu garto Meesh Cadaawado marayso.
Sidoo
kale sheekada ah ,,Magaalada Caynabo Lixdan jir
Daarood iyo Labaatan jir Isaaq yeyna isku soo gaarin
iyo Gumaadkii Waqtigii uu Siyaad Bare baxayey Dadka
Daaroodka ah ee Waqooyi Qaxootigii ku ahaa loo gaystay,
way ku filan yihiin in uu Qofku ogaado waxa loo
qabo iyo Heerka Cadaawadu marayso.
Waxaase
muuqta in uu Muuse Suudi dareemay in aanay Dadkaani
sidaas wax ku dareemin, kuna khasabtay in uu markaan
Darood bal si ay u ogaadaan Heerkooda uu haddalka
Goga u galiyey maxaa yeelay waxa jira Dad aan wali
fahmin waxa Somaliya ka dhacay iyo waxa Rag ku dhaqaaqay
oo ay 12sano wadeen iyo waliba waxay magan yihiin.
Haddaba
Aniga ka Qof ahaan waxaan u arkaa Hadalka Muusa
Suudi in Hawiye Heerkii Nacaybka Darood ka taagneeyeen
oo ahaa in ay Daarood Aduunka sida Jarmalku uu yuhuuda
uga tirtiri rabay, ay Daarood Aduunka uga tirtiraan
in ay ka soo yara dabceen, oo ay maanta Daarood
ula dhaqmi rabaan, sidii Cadaanka koonfur Africa
ay waqtigii Midab Takoorkii Madowga ula dhaqmijireen,
taas oo wax badan dhaanta tirtiridii ay Hawiye iyo
Isaaq ku taamayeen in ay Darood ku sameeyaan, Gacmahana
kula jireen.
Waxayna
u muuqtaa sida Haddalka Muuse oo ah Go´aankii
Shirarkii maalmahaan Eldoret Hawiye ka dhex socday
laga dhadhansankaro in ay Hawiye rabaan in ay Qabaa
ilka Somaliya darajooyin kala siiyaan sida A,B,
C, D, iwm,
iyo
waliba in ay Sidaan wax u qaybiyaan.
A-Hawixe
wuxuu xaq u leeyahay.
1-Xaq Wadaninimo 2- Madaxwaynaha, 3- Caasumada,
4- Shaqooyinka sare
B-Isaaq
wuxuu xaq u leeyahay
1- Xaq wadanimo, 2-Ra´iisulwasaare, 3- Caasumada
labaad, 4- Shaqooyinka
dhaxe
C-Digil
iyo Mirifle iyo Dirta Koonfureed wuxuu xaq u leeyahay
1-Xaq Wadaninimo 2.-Xaghayno 3- Maqaaloyin cadi
ah 4 Shaqaalaha
hoose
D
Darood wuxuu xaq u leeyahay
1-
Fiisada Ajnabiga
2-
Wax Darajo ah xaq uma leh, wax shaqo Dowladeed ahna
ma qabankaro
3-
Waa in ay Doonyo dul saarnaadaan oo ay Guryo doon
yaha dushooda ka
dhigtaan
4-Warqad
Shaqo xaq uma leh.
Hadaba
Anigu waxaan u arkaa in markaan fiiriyey Qaabka
Midab Takoorka ee ay Hawiye rabaan in ay Somaliya
ku soo rogaan in uu yara dhaam kii ay ku fakirayeen
ee ahaa Daarood in MADINIMADII ku celiyo.si loo
tirtiro,
Waxaanad
hadda moodaa in ay ogolaadeen in ay Naftu wali ku
sii jirto waxaana taas u arkaa arin horumar Hawiye
ah.
Waxaa
hubaal ah in ay Daaroodku markay waagii hore maqlaan
Guuroga ah ;; Dooni raacdayaa iyo dabaalataa ar
Daarood Dalka iiga guur in ay Qosli jireen,
oo aanay waagaa garan sheekada Daarood mar buu qabasho
lahaa iyo Guurowgaas oo 40yadii la tiriyey in ay
aasaas u noqon doono Gumaadka 90meeyadaan dhacay
Waxaana
cadaan ah in aanay sidoo kale haddeer garanay, in
Habka uu maanta Hawiye wato in uu mar Sal u noqon
Siyaasad somaliya haddii la sahlado oo aan laga
hortagin
Waxaana
hubaal ah in uuna Muuse Suudi Cabdi Raage ahayn.hadalkana
majaajilo ka wadin.
Mahadsanidin
magne@hotmail.com
SOOMAALIDA
WAA IN AY U KALA BAXDAA A.B.C. WAXAA YIRI HOGAAMIYAHA
HAWIYE EE 2003
Dunida
aan ku nool nahay waxaa maalinba maalinka ka danbeysa
soo if baxayay in la gaarayo horumar iyo ilbaxnimo
dheeraad ah, waxaa jirtay mudo qiyaastii imika laga
joogo 62 sano in uu hogaamiyihii NAZIGA Jarmalka
Hitler uu yiri mar uu rabay in uu ku soo baxo doorashada
madaxweynenimo ( waxaanu nahay dad wax ah oo aan
la yasi karin ) taas oo uu markaa siyaasad ula jeeday
hase ahaatee aysan la qabin dadkii siyaasada markaa
kula jiray, waxaase ay u arkayeen in uu dhib u gaystay
sumcadii jarmalka maadaama uu ku tilmaamay in ay
suura gal tahay in la yaso ama uu cadeeyay in ay
jiraan dad yasi kara. Sikastaba arintu ha ahaatee
waxaa meshaa markaa joogay dad badan oo ciil qabay
taasoo sahashay markaa in uu noqdo hogaamiyii Jarmalka,waxaase
uu wadankiisa dhaxalsiiyay in uu ilaa iyo maanta
uusan xor ahayn oo ay jiraan xanibaadyo saaran.
Soomalida
oo ka mid ah wadamada aduunka ugu dadka yar uguna
faqri san ayaa waxaa ka jirtay dhibaatooyin aanay
caalamka inteeda kale la qabin taas oo ah in ay
yihiin dad aan israbin.
Waayihii
hore waxaa jirtay in dadbadan ay qabeen in ay soomalida
wax qaybsiga aysan daacad ka ahayn, laga soo bilaabo
tan iyo markii ay xoriyada heleen taas oo ay waagaas
xukunka qabteen dadkii markaa xornimada keenay oo
u halgamay. Waxaa waagaas meel walba loo dhiibay
dad wax kala socodsiin kara iyadoo markaa lagu tixgelinayay
aqoontooda iyo waaya aragnimadooda, dhabtii waa
ay adkayd qof markaa oran karay ma mudnidiin ama
xaq uma aad lihidiin iyadoo ay badankood ahaayeen
dad meel ka soo wada jeeda ama ah hal beel. Waxaa
markaa wixii ka danbeeyay batay in dad badan ay
jeclaystaa in hogaanka noqdaan inkastoo ay jirtay
hab xoriyad doorasho oo aan saas u sii dheerayn,
hadana waxaa adkayd dadbadan in ay jeclaayeen balse
ay ku adkayd in ay hogaan noqdaan, waxaa taa ka
danbeeyay kacaankii oo isagu xoog ku qabsaday, xoog
ku qabsigaa waxaa ay il u furtay kuwii iyagu aan
awoodin awooda maamul, waxaase ay ogaadeen in ay
jirto in wax la maquunin karo, mudo badan kadib
waxaa u suura gashay 1991 in ay wadankii magaalo
madaxdiisa gacanta ku dhigaan, waxaa laga waayay
in ay wax maamulaan iska daayee hadal aan ahayn
(waxaanu nahay dad aan la yasi karin) taasi waxaa
ay keentay in lala fahmi waayo dadbadana ay fahan
laaantaas kaga qaxaan wadanka, waxaa ay ku
sii beertay in ay dad badan oo maato ah oo aan waxba
galabsan ku laayeen wadooyinka kuna fara xumeeyeen,
waxaa lagaran waayay sababta ay sidaa u yeeleen,
waxaana laga waayay hadal aan ahayn (waxaanu nahay
dad aan la yisi karin) (waxaanu nahay dadka ugu
badan) waxaa ay noqotay eray ay ku weydiiyaan dad
badan oo ah ajaanib wadamada yurub iyo afrika marka
ay ogaadaan in aad tahay soomali.
Waxaa
ay ka xishoodeen in ay weydiiyaan cida ay rabaan
in aysan yasin ma soomaali baa mise ajaanib,
Waxaa
la waayay tirakoob sax ah oo lagu aqoon san karo
tiradooda saxda ah iyo weliba lafahooda qabiil ahaan.
Waxaa
laga waayay ma dowlad bey rabaan mise duflaalnimo.
Waxaa
laga waayay in ay cadeeyaan ma in loo taliyay rabaan
mise in ay taliyaan.
In
badan ayaa waxaa soo laab laabanayay in loo tanaasulo
maadaama ay jirto cuqdad iyo ciil kaanbin aan qornay
lana aqriyin laakiinse looga waramay cidii uga warantayse
ay ka geeriyootay iyadoon casharkii u wada dhamayn.
Waxaa
in mudo ah la sugayay in ay garwaaqsadaan in ay
qaldan yihiin oo ay ogolaadaan in bal ay qaataan
talooyinka walaalahood ay siinayaan, shirar badan
kadib waxaa la gaaray 20/12/2002 waxaa loo fadhiyay
shir dibu heshiisiin waxaa meesha isugu yimid hogaamiyaal
siyaasadeed oo farabadan, aayaha umada iyo wadanka
ayaa laga hadlayaa,
waxaa
ku jiray nin hadalkiisa lawada jeclaa maadaama uu
yahay nin ka warama waxa caloosha ugu jira, ninkaan
waxaa uu wax la wadaagaa rag ay isku heyb yihiin
laakiinse iyagu rabay in ay mar un ka taqalusaan,
waxaa ragaas u suura gashay in ay fursad ku helaan
ugu horayntii waxaa uu noqday hogaamiyaha beeshooda
ee sanadka 2003 ,waxaa loo diyaarshay rag la hadla
qaar in ay ku ooyaan ayaa loogu talagalay, qaarna
ay u caloolyoodaan, qaarka kalase ay uga waramaa
xumaanta reer hebel,qaarka ugu danbeeyayse ay ka
codsadaan in uu BBC af soomaaliga wareysi siiyo,
ninkii oo aan dhinacyada eegin ayaa BBC af soomaliga
wareysi siiyay, sidii war kale looga sugayay ayuu
ka dhamaan waayay hadal ay 1991 yiraahdeen rag ay
isku heyb yihiin isaga.
Waxaa
uu yiri (waxaanu nahay dadka ugu badan soomaaliya
)(madaxweyne anagaa leh)(soomaali A,B,C haloo aqriyo)
Waxaa
arintaan ay fujiciso ku noqotay ragii xitaa ka soo
horjeeday ee ay heybta wadaageen waayo waxaa uu
u ahaa halyey, aqoon yahan iyo weliba siyaasiga
ugu weyn ee beesha,
Waxaase
suurowda in isaga loo soo taago jagada madaxweyne
nimo soomaaliya.
Laakiise
waxaa jiray nin horay u yiri haddii dadku ay noqdaan
daanyeero aniga waxaan ahay daaxuurkooda ninkaas
waxaa uu ku nool yahay banderqaasim (Boosaaso.pld
Abdi m farah farah
macaane75@hotmail.com>
Tariikh
yareeyee Muuse Suudi
Bismillaah
Haddiiba
ay Daaroodku lahaayeen Madaxweynayashii rubuc qarnigii
la soo dhaafay ayey la qummanaan weydey in ay mar
kale isu soo taagaan madaxnimda waddanka iyagoo
ku sharfaya qabaailka kale oo aanu qarkood
weligood mansabkaas hore u qaban.
Waxaanse
aad ugu xunnahay raadin laaantayada arrinkaasi
sabab u yahay in dadka Xaaji Muuse Ka midka yahay
ay u qaataan in Mansabkaasi reer cayiman u astaysan
yahay oo iyagu yahiin ku shir kasta oo la isugu
yimaado u tartama. Daarood Ismaaciil Jebrtina baannaanka
joogaan
.
Markaa haddii labo iyo toban sano hadba shir lagu
guul-darreystey ayey waxay noola muuqatay in intaa
kabadan aanan arrinkaa bannaanka ka ahaan Karin.
Is
sharraaxaadda Cabdillaahi Yusuf ee Shirka eldoret
waa mid habboon aadna ay u soo dhoweysey bulsha
weynta Daarood.
Haddaba
argtida uu ka qabo arrintaan Xaaji Muuse Yalaxow,
dabcan waa hadallada looga sheekaysto maqbaradaha
qaadaka arin laga filayey in sheeganaya in uu masuul
yahayna ma ahan, layaabse ma laha ninku waa xaaji
Muuse. Hadalkiisna looma qaadayo bulsho weynta Hawiye.
Kamana duwana gabadhii Ciise ee intey Dhulbahane
maqashay hooyadeed weydiisey, Hooyo waa ayo Dhulbahante?
dabeedna hooyadeed ugu jawaabtey hooyo maxaan ka
aqaan waa Ciisahaa alle iska badiyeye!!!!
Bal
eeg Muuse wuxuu yidhi koonfurta somaaliyeed mansabka
ugu sarreya hawiyaa iska leh haddii heer waqooyi
la keenona markaas aan wax qaybsaynaa
..
Allaah
ha u naxriistee Xaaji Geeddi Adan markuu hadalkaa
oo kale maqlo waxuu odhan jirey Duulli dulli
xisaab yareeyee haddaba anigu waxan leeyahay
Muuse Suudi dulli dulli taaariikh yareeyee.
Hadal
iyo dhammantii waxaa xaqiiqo jirta oo aan la iska
indho tiri Karin ah, waxyaalaha laga dhaxlay dagaalkii
sokeeye iyo dad argtiyo taariikhiyan khaldan aaminey.
Taasna
waxay isoo soo xusuusisey Allaah ha u naxariistee
gabaygii Cusmaan Keenadiid
Laandheere
gob ahaan jirey oo gocondhadii hayso
Iyo
kii ka gaabnaan jirey oo haatan garab taagan
Gedda
kaasi yahay yuu kan kale gaar is leeyahaye
Labadaa
garbood oo sin-siman yaw gar niqi doona??
Eldoret ayaa u garnaqaysa
.
Nabadgely
Mohamed
Salah
Dallaas@iprimus.com.au
Melbourne
Australia
Waxaan ka xunahay
inaanan daabici karin qoraaladii mawduucaan ku saabsanaa
ee ay akhristayaashu noo soo direen dhamaantood,
akhristayaashii noo soo dirayna waa ku wada mahadsan
yihiin. walow aan aaminsanahay in loo wada hadlo
si calool fayow haddana aysan dastuurka Mudugonline.com
ku jirin in si jamaca ah ummad dhan loo afla gaadeeyo.
waxaa cad inaan beesha Hawiye oo dhami la wadaagin
aragtida Xaaji Muuse Yalaxow ay qaladna tahay in
sidaas loo fasirto Hadalkii ka soo yeeray Xaajiga.