Make your own free website on Tripod.com


Wararka Mudugonline

Faalo: Heshiiska Kooxaha USC ee Muqdishu ma fashilinta shirkaa Eldoret baa mise...

Eldoret, 15 Dec 2002 (MOL) - Tan iyo intii uu bilaabay shirkii dib u heshiisiinta somaliyeed ee Eldoret bartamihii bishii October ee sannadkaan ayaa waxaa jiray suxul duub ay ku doonayaan kooxaha siyaasada Muqdishu ee ku abtirsada Beelaha USC sidii ay gacan ugu dhigi lahaayen jihaynta iyo hagida shirka. Doonitaanka Kooxaha Siyaasada Muqdishu ee jihaynta shirka ayaa ah aragti sidii aan marar badan ka faaloonay ay siyaasiyiinta Beelaha Muqdishu degaa Aaminsan yihiin kana soo dhaxleen shirarkii hore ee 13-ka sanno la soo qabanayay haddii kooxahaasi aysan shirka hormuud u noqon ay isku dayaan afduubka iyo majaxaabinta shirka iyagoo hadba shaati cusub oo midab kale wata soo gashta.. waxaa xasuus mudan shirarkii bilowgii burburka ee lagu kala qabtay Jabuuti, Qaahira iyo kii u danbeeyay ee lagu qabtay tuulada Carta ee wadanka Jabuuti. dhamaan shirarkaas ayaa kooxaha siyaasada Muqdishu ee ku abtirsada USC gabi ahaanba la wareegeen maamulkii iyo qorshaynta shirarkaas taasna keentay burburka shirarkaas iyo sii fogaanshaha Dawlad iyo Maamul loo dhan yahay.

Waxaad baratay waa baaskaaye markii la isugu yimid ELdoret ayaa isla markiba waxay kooxahaasi bilaabeen hawlahoodi si ay gacan ugu yeesheen maamulka shirka, waxaa ay isla markiiba la kulmeen wax aysan hore ugu arag shirarkii hore iyadoo si siman looga soo qayb galay shirka oo siyaasinta Muqdishu aysan markan helin culayskii siyaasadeed iyo saamigii ay horey ugu barteen arintaasina ay ka caraysiisay siyaasiyiintaas oo Cali Mahdi Maxamed uu Muqdishu dib ugu noqday.dareenka Kooxahaasi dareemeen inaysan ka fadlilayn kooxaha kale ee siyaasada ayay waxay uga jawaabeen xanibaad ay hordhigeen shirka si Shirku u burburo ama waxay rabaan u helaan.Waxay bilaabeen xulafaysi xikmad shishe ku dhisnayn ee ay ku gaarayeen sidii ay shirka isku hortaagi lahaayeen. Waxaa dhacday in marar badan laga yeelay waxyaabhihii ay codsanayeen, loo kordhiyay tirada ergada ay ka cabanyeen, Kooxahaas oo aad u hanwayn marnaba ma dhicin inay ku qancaan waxyaabihii lagu maslaxayay, ugu dambeyn waxay is tusaaleeyeen in shirkuba yahay qayaano lala damacsan yahay iyaga iyagoo bilaabay inay dhexdooda ka yeeshaan shirar dhinac socday kuwa Eldoret oo iyaga gooni u ah oo ay ku lafagurayeen sida ugu wanaagsan ee ay shirka uga hor imaan karaan iyagoo iska illaalinaya in Dawladaha Caalmaka ee shirka qarashkiisa bixiyayna aysan u arag inay shirka jilaafo u dhigayaan.

waxaa isku soo xirka kooxahan Muqdishu door weyn ka ciyaaray Cusman Caato oo ka mida hogaamiye kooxeedyada Muqdishu oo ah nin lagu yaqaan in uu yahay nin aad u munaafaqo badan waligiisna aan wax wanaag ummada u ah ka shaqayn aadna ugu xeel dheer samaynta kooxaysiga iyo ka hor-imaanta wax kasta oo uu u arko inay keeni karto in lagala xisaabtamo xasuuqiii uu gaystay iyo hantidii uu bililaqaystay intii lagu jiray dagaalkii sokeeye, Caato waxaa garab istaagay nin isna lagu magacaabo Maxamed Qanyare oo isna ah hogaamiye kooxeed kale oo isna waxii wanaaga ah ku xajiimooda. Labada nin oo isticmaalaya ururada Bulshada oo qaarkood dibadaha ka yimaadeen oo aan aqoon u lahayn ragaan ayaa waxay xodxodosho u galeen sidii ay qorshahooda uga dhaadhicin lahaayeen Hogaamiye kooxeedka Muqdishu ugu awooda badan Muuse Suudi iyagoo marakan Muuse u gashtay gashtay shaati qabiil. Muuse ayaa waxaa la tusay qatarta beelaha USC kaga imaan karta Dawlad aysan ogayn cidda loo dhiibi doono oo laga yaabo inay hesho taageero caalimi ah oo ay ku sugi karto nabad galyada magaalada Muqdishu iyo guud ahaan wadanka oo dhan. Dawladaas oo laga yaabo inay hogaanka sare wax ka qabtaan beelo Somaliyeed oo Caato iyo Qanyare u hayaan neceyb aad u fog oo ku dhisan masayr iyo xaasidnimo iyagoo beelahaas u arka inay waligood siyaasada Somaliya ka ciyaaraan door aysan xaq u lahayn haddana tuhunsan inay beelahaasi kala wareegeen doorkoodi hore ee shirarakii soo burburay ay ka ciyaari jireen.

Haddaba wali arinta aan lo agayn waxay tahay Maxay tahay waxa Caato iyo Qanyare dhagta ugu sheegeen Muuse Suudi oo uu isaga badalay aragtidiisi siyaasdeed oo ahayd hadda ka hor mid aan looga baran isbadal ahaydna mid mayal adag, aragtidaas oo ahayd in degaanka Muqdishu ay maamulkeeda gooni u tahay beesha Mudulood nabadna la gaari karin inta beelo kale xoog ku joogaan deegaankaas. Dad badan oo shirka jooga ayaa aaminsan in Muuse arintaan sibiq sibiq ku gashay oo dad la taliyayaal u ah oo dibadaha ka tagay qabiilkuna maskaxda ka galay ay ku dirqiyeen inuu dabo kaco qabqablayaasha aan looga baran wax wanaaga haba yaraatee. waxaa durba bilaamay faan iyo buunbuunin dheeraada oo lala daba kacay Muuse Suudi iyadoo si caadifad qabyaaladeed ah saxaafada Muqdishu iyo websiteyada Caato iyo Qanyate ee RUUNIKET iyo DAYNIILE ay bilaabeen oleole culus oo ay dadka Muqdishu ugu sharxayaan raganimada Muuse suudi iyo geesinadiisa iyagoo bay yiraahdeen beesha Hawiye meel fiican uga soo baxay goor ay ku jirtay qatar weyn oo ka imaanaysay shirka ELdoret. Waxaa ka mid ahaa hal ku dhigyada Muuse lagu buur laxowsanayay"Muuse sidii la mooday ma noqon" micnaha Muuse nin Hawiye ah ayuu noqday.

Haddaan u soo noqono Heshiiskaas kooxaha Muqdishu ayaa hadda waxaa cad in heshiiskaas inuusan daacad ka ahayn heshiiska ay gaareen ee uu yahay ujeedadiisu burburinta shirka eldoret iyadoo asbuucaan shirku qarka u istaagay in lagu kala dareero haatana rajadiisu ay aad u yaraatay. haddii ay kooxaha Muqdishu heshiin kareen hadda ka hor waxay Muqdishu isku hor fadhiyeen dhawr iyo toban sanno, sidee ku dhacday inay dhawr asbuuc gudaheeda gacmaha isku qabsadaan waxii horena laga soo qaado xalay dhalay. taas waxaa lagu tilmaami karaa ka dib fashilka siyaasada ee kooxaha Muqdishu ku yimid taas oo ay ku lumiyeen miisaankii siyaasadeed ee awal madaxa loogu salaaxi jiray ay hadda ku kacaan wax kasta oo ay u arkaan in shirka ay caqab ku noqon karto. waa meeshii laga yiri "nin daad qaaday xunbo cuskay"

Waxaa durba Kooxahaas u sheegay Carqalada ay shirka ka wadaan Mr Mwangale oo ah madaxa gudiga qabanqaabada shirka IGAD. Waxaa sidoo kale ku tilmaamay sheshiiska Kooxaha Muqdisho mid aan daacad ahayn Kooxo kale oo reer Muqdishu ah oo aan waxba ka saxiixin oo ay ka mid yihiin Maxamed Dheere oo ah hogaamiyaha Siyaasada ee maamulka Gobolka Shabeelada Dhexe, waxaa kaloo heshiiskaas wax kama jiraan ka soo qaaday Xassan Qalaad oo ah madaxa Maamulka Baladweyne, Hilowle Imaan oo ka mida hogaanka SRRC, Gacmodheere oo ah madaxa urur cusub oo Muqdishu ka jira iyo raga kale.

Mudugonline.com


Gudiga IGAD iyo Madaxda Kooxaha oo isla gartay Habqayb Cusub Ergooyinka Shirka

Eldoret: Shir lagu kala kacay saqdii dhexe xalay oo ay la haayeen madaxda kooxaha Somalida iyo gudiga farsamada IGAD oo xiriir joogta ah iyo cadaadis addun-waynuhu saaray Kenya ka dib, ayaa waxaa guddiga IGAD ka soo baxay qodobadan:


- Ergada shirku waa tii hore lagu cusamay oo ahayd 300 oo ergay, waxaana laga noqday tirooyinkii gadaal looga kordhiyay.
- Tirada hogaamiyayaashu waa kuwii saxiixayaasha heshiiska wajigii koowaadoo ee ahaa 22 hoggaamiye.

-Tirada ergooyinka ayaa loo qaybsanayaa hab qabiil iyadoo loo qaybsanayo Daarood, Hawiye, Dir iyo Digil iyo Mirif halka 12 ergay ka imanayaan qabiilada kale iyo bulshada rayidka oo la siiyay 69 xubnood oo ka kala imaanaysa

- Ururadda Bulshada Rayidka (Civil Society) waa 11
- Issimada (Hogaamiyayaasha dhaqanka) waa 23
- Haweenku waa 35


Lixda gudi ee farsamada shirka ee Somalida ka imanaysay ayaa lagu soo celiyay tiradii ay markii hore ahayd oo dhan 108 xubnood, taasi oo 24 ergay ka imanayaan midkiiba 4-ta qabiil ee Daarood, Hawiye, Dir iyo Digil iyo Mirif halka 12 ergay ka imanayaan qabiilada kale.

Waxaa laga codsaday hogaamiyayaashu inay qaybsadaan, ayagoo ku qaybinaya 4.5 qabiilka.

Dadka joogaya Eldoret waa kuwii saxiixayaasha ee 22-kii hogaamiye ee saxiixay baaqii Eldoret ee wajigii koowaad ee shirka laga soosaaray iyo hal kalkaaliye hoggaamiye kastaba yeelanayo taasi oo isugayntoodu noqonayso 44, waxaa kaloo Eldoret sii joogaya xubnaha beeluhu u soo xushaan lixda gudi .

La soco AllPuntland iyo wixii soo kordha Haddii ALLE idmo

AllPuntland


Ciidamada Shaati-Gaduud oo Qabsaday Baydhabo

Baydhabo: Wararka ka imaanaya magaaladda Baydhabo ayaa sheegaya in maanta dib gacanta ugu gashay magaaladaasi maleeshiyada RRA-da garabka Gudoomiyaha RRA Maxamed Xasan (Shaati-Gaduud), ka dib ay isaga baxeen maleeshiyadii taageeri jirtay labada gudoomiye xige ee RRA-da Sheekh Aadan Madoobe iyo Xaabsade.

Wax dagaal ahi kama dhicin gudaha Baydhabo, ciidamada labada gudoomiye xige ayaa ku sugan badankoodu halka la yiraahdo Dhanfookh oo koonfur galbeed kaga aadan magaaladda Baydhabo.

Maleeshiyada Shaatiguduud ayaa soo galay magaalada iyagoo baabuur tikniko ah wata waxayna u gudbeen dhinaca tuulada Goobguduud, lamana garanayo halka ay u socdaan, mana jiraan wax war ah oo ka soo baxay labada dhinac ilaa iyo hadda inkastoo gudoomiyaha cusub ee Shaati-guduud u magacaabay magaalada Baydhabo Ibraahim Axmed uu sheegay in warbixin faahfaahsan ay kasoo saari doonaan rogaalcelintoodan ay ku qabsadeen magaalada.

AllPuntland, Radiyo Midnimo, Boosaaso


Mahathir asks Japan to urge U.S., Europe to understand Islam

Sarah Suk

Saturday, December 14, 2002 at 10:00 JST
TOKYO — Malaysian Prime Minister Mahathir Mohamad suggested Friday Japan can play a role in attaining peace in the world by urging leaders of the United States and European countries to have a better understanding of the Islamic community.

In a keynote address at a United Nations symposium on Islam at U.N. University in Tokyo, Mahathir also called for a halt to oppression of Muslims around the globe, saying democratic powers should allow for more differences and plurality. (Read the whole article)





 






Contact: webmaster@mudugonline.com

Copyright © Mudug Online 2001