Laascaanood, 6 Dec 2002 (MOL) - Warar
deg deg ah oo hadda aan ka helay Magaalada Laascanood
ayaa sheegaya in maanta halkaas uu ka dhacay dagaal
la isku adeegsaday hub culus. dagaal kaas ayaa dhacay
ka dib markii uu halkaas booqosho ku yimid madaxweynaha
dawlada Isku magacowday Somaliland Daahir riyaale.
Dagaalkaas ayaa la sheegay inuu u dhexeeyo labo ciidan
oo kala taageersan Somaliland iyo dawlad goboleedka
Puntland. dhinaca Puntland waxaa dagaalka galay ciidanka
Poliska Puntland ee Laascaanood. Dhinaca Somalilandna
ciidanka Madaxweynaha la socday ayaa la sheegay inay
dagaalka galeen.
Dagaalkaas oo aan wali faahfaahin badan
laga hayn ayaa la sheegayaa in dadna ku dhinteen dadna
ku dhaawacmeenadagaalkaas, waxaa la sheegayaa in gudoomiyihii
magaalada ee maamulka Puntland uu dagaalkaas lagu
dilay. waftigii Somaliland oo watay ciidan xoogan
ayaa iyagana la sheegayaa inay hadda magaalada isaga
baxeen. Somaliland ayaa bilihii ugu danbeeyay waxay
wadeen dadaal ay ka wadeen gobolada Sool, Sanaag iyo
degmada buuhoodle sidii ay uga hirgalin lahaayeen
dooraashoonyinka Somaliland. Goboladaas ayaan ogalayn
inay ka go'aan Puntland iyo Somaliya arintaas ayaana
sal u ah qilaafka siyaasadeed ee ka jira goboladaan.
waxii intaas ku soo kordha gadaal ayaan
idinkana socodsiin doonaa.