Iyo qodobo kale halkaan
ka dhagayso
http://www.radiogalkayo.com/audioclips.html
Wafti reer
Puntland ah oo ku soo fool leh Magaalada Laascaanood.
Warar deg deg ah oo aanu ka helnay magaalada Laascaanood
ayaa sheegaya inay halkaasi ku soo fool leeyihiin Wasiiro,Xildhibaano,iyo
ciidan ka tirsan ciidamada darawiishta ee Puntland.
Imaanshaha waftigan oo beryahanba laga hadal hayey magaalada
Laascaanood ayaa waxay ku soo beegantay iyada oo xiisad
siyaasadeed ay ka aloosan tahay deegaamada Sool,Sanaag
iyo Buuhoodle,iyadoo isla markaana ay wafti ka yimid Somaliland
uu isaguna ku sugan yahay isla magaalada,waftigaas oo
u ololaynaya doorashooyinka ay dawlada la magac baxday
Somaliland ka qaban qaabinayso deegaankaas.
Warar aan la xaqiijin ayaa sheegaya in ay wasiiradii
ka yimid Somaliland ay ka baxeen magaalada kadib markii
ay maqleen in wefti reer Puntland ah oo uu horkacayo wasiirka
arimaha gudaha ee Puntland Axmed Cabdi Xaabsade,ay ku
soo fool leeyihiin magaalada saacadaha soo socda.
Dhinaca kalle, isimada,odayaasha,iyo waxgaradka degaanka
ayaa ka codsaday dawlada isku magacowday somaliland inay
joojiyaan siyaasada foosha xun ay ka wadaan Sool, Buuhoodle
iyo koonfurta Sanaag. hadii kalle bay yidhaahdeen waxaa
dhici kara isku dhac balaaran oo ay ka masuul noqon doonaan
siyaasiyiinta Hargeisa laga soo diro.
Dad badan ayaa aad ugu diyaar garoobay soo dhaweynta
waftiga reer Puntland, kuwaas oo aad ugu riyaaqay soo
noolaytii iyo dib usoo celintii maamulkaas si uu uga hawl
galo Sool, Buuhoodle iyo koonfurta sanaag.gaar ahaan magaalada
laas-anod oo beryahan danbe noqotay meesha lala soo doonto
carqaladaha.
Waftiga reer puntland ayaa la sheegayaa inay u socdaan
inay maamul xoogan udubada uga taagaan magaalada laas-caanood,
iyagoo degaya xafiis kasta oo dawladi leedahay. Waana
markii ugu horaysay oo maamulka puntland ololahaas kusoo
qaado degaanka. sababtoo laga dhigayo inay ka danbeyso
ka dib markii "isimadii" ka yimi dawlada isku
magacowda somaliland ay degeen las-anod 3 bilood iyagoo
ku marmarsiinyooday heshiis beelaha dega gobolkaas qaarkood.
ayaa iyagu kasbaday dad badan ka dib markii ay sheegteen
inay ka danbeeyeen heshiisyadii ka dhex dhacay labada
beelood oo iyagu wada dega tuulada Adhicadeeye oo 30 kIlo
meter u jirta laascaanood dhinaca waqooyi, iyo laba jufood
oo iyaguna dega magaalada laascaanood. sikastaba ha ahaatee,
dadweynaha dega degaamada Sool,Buuhoodle iyo Sanaag ayaa
iyagu taageero badan u haya dawlad goboleedka Puntland,marka
la barbar dhigo Somaliland.Soo celinta maamul puntland
oo ka hirgala laascaanood wuxuu noqon doonaa mid badani
u riyaaqaan,balse keeni kara iska hor imaad dhex mara
kooxaha kala taageersan maamuladaas.
Laascaanood.com